"Mən və mənim hüquqlarım" mövzusunda Dəyirmi masa
01.11.2023-cü il tarixində məktəbin tarix müəllimi Aynurə Musayeva 6d sinif şagirdləri ilə birlikdə "Mən və mənim hüquqlarım" mövzusunda Dəyirmi masa təşkil etdilər.
Şagirdlər Uşaq hüquqları günü barədə ətraflı məlumatlar verdilər, öz hüquq və vəsifələrindən danışdılar.
"1954-cü ildə BMT Baş Məclisi bütün dünyada uşaqların rifahının yaxşılaşdırılmasına yönəldilən fəaliyyətə həsr edilən bu günü bütün dünya ölkələrinə qeyd etməyi məsləhət görüb. 1959-cu il noyabrın 20-də Baş Məclis Uşaq hüquqları Bəyannaməsini, 1989-cu ilin həmin günündə isə Uşaq hüquqları haqqında Konvensiyanı qəbul edib.
Bu münasibətlə hər il noyabrın 20-si Uşaq Hüquqları Günü kimi qeyd edilir və hər il olduğu kimi bu il də Ailə, Qadın və Uşaq Problemləri üzrə Dövlət Komitəsi bu günü xüsusi tədbirlə qeyd edir."
