Azərbaycanın ərazi bütövlüyü yolunda canlarını fəda etmiş Şəhidlərimizi dərin ehtiramla yad edirik
Xalqımız II Qarabağ müharibəsində qəhrəmanlıqla döyüşən, ölkəmizin ərazi bütövlüyü yolunda canlarından keçən əsgər və zabitlərini, bütün şəhidlərini dərin ehtiramla anır!
27 sentyabr doğma torpaqlarımızı işğaldan azad etmək, ölkəmizin sərhədlərini təxribatlardan qurtarmaq iradəmizin güclü təməli, Qarabağda erməni hökmranlığını başa çatdıracaq hərbi-siyasi gücümüzün ortaya qətiyyətlə qoyulduğu, milli ruhumuzun, milli həmrəyliyimizin öz sözünü kəskinliklə dediyi şərəfli bir tarixdir.
Məktəbin direktoru Ruhiyyə İbrahimova, məktəbin bir qrup müəllim və şagird kollektivi Şəhidlər xiyabanını ziyarət etdilər.
Məktəbin şəhid məzunu Fəxri Məmmədovun, məktəbin adını qürurla daşıdığı Birinci Qarabağ müharibəsi şəhidi Cəlal Məmmədyarovun və Vətən uğrunda canlarından keçən şəhidlərimizin məzarları ziyarət edilmiş, müqəddəs ruhları dərin ehtiramla yad edilmişdir.
