19 yanvar 2016-cı il tarixində məktəbin 4c sinfində 20 Yanvar faciəsinə həsr olunmuş tədbir keçirildi.
Tədbir şagirdlərin Azərbaycan Dövlət Himnini səsləndirməsi ilə başladı. Sonra bir dəqiqəlik sükutla şəhidlərimiz yad edildi. Şagirdlər bu qanlı faciə haqqında məlumat verdilər, qan yaddaşımız bir daha təzələndi. Daha sonra faciəni əks etdirən şeirlər səsləndirildi, mahnılar söyləndi, səhnəciklər nümayiş etdirildi.Cəmilə Heydərovanın ürək yanğısı və göz yaşları ilə Larisa haqqında söylədiyi şeirdəki "Nə bərk oldu yuxun sənin" misraları hər kəsi göz yaşlarına qərq etdi.Tədbir davam etdiyi müddətdə fonda 20 Yanvar hadisərini təcəssüm etdirən videoçarxlar nümayiş etdirildi. Sonda məktəbin müəllimləri çıxış edərək şagirdlərdə milli qürur hissinin formalaşmasına səbəb olan sinif müəlliməsi Leyla Əliyevaya və bu cür ürək ağrısı ilə göstərdikləri səhnəcik və göz yaşları ilə söylədikləri şeirlərə görə şagirdlərə minnətdarlıq bildirdilər.
