"Əhməd Cavad və onun yaradıcılığı" adlı elmi-praktiki konfrans keçirildi
Oktyabrın 27-si 2022-ci il tarixdə Bakı Şəhəri üzrə Təhsil İdarəsinin F-136 nömrəli əmrinin II bəndini əsas tutaraq Sabunçu rayonu ümumtəhsil müəssisələri üzrə Mərkəz "Kiçik Akademiya"nın təşkilatçılığı ilə Azərbaycan dili və ədəbiyyat kafedraları üzrə "Əhməd Cavad və onun yaradıcılığı" adlı elmi-praktiki konfrans keçirildi. Elmi-praktiki konfrans Azərbaycan Respublikasının Dövlət Himni ilə başladı. Ardınca "Zəfər Tariximiz"in şəhidləri 1 dəqiqəlik sükutla yad edildi.
Sabunçu rayonu ümumtəhsil müəssisələri üzrə Mərkəz "Kiçik Akademiya"nın rəhbəri Sərxan Şahverdiyev qonaqları və tədbir iştirakçılarını salamlayaraq konfransın mahiyyəti haqqında məlumat verdi.
Elmi-praktiki konfransda Bakı Şəhəri üzrə Təhsil İdarəsinin Ümumi sektorunun müdiri Sevinc Rəsulova, İnkişaf layihələri üzrə sektorun baş məsləhətçisi Sevinc Əzimova, məktəb direktorları, KA prezidentləri, müəllimlər, şagirdlər iştirak etdilər.
"Kiçik Akademiya"nın Azərbaycan dili və ədəbiyyat kafedrasının rəhbəri Ağazadə Əzizov və "Kiçik Akademiya"nın üzvləri konfransda iştirak etdilər.
