"Mülki Müdafiə günü"
Məktəbimizin rayon Fövqəladə hallar və Mülki Müdafiə İdarəsi ilə razılaşdırılmış illik planına əsasən məktəbimizdə "Mülki Müdafiə günü" keçirilmişdir. Məktəbin müdiriyyəti, Mülki Müdafiə manqaları və müəllim heyəti ilə birlikdə Azərbaycan Respublikası Təhsil Nazirinin, Bakı şəhəri üzrə Təhsil İdarəsinin, habelə rayon Fövqəladə hallar və Mülki Müdafiə şöbəsinin "Ehtimal olunan fövqəladə hadisələr zamanı davranış qaydalarına dair" mövzular öyrənilmişdir.
Mülki Müdafiə gününün təşkili və keçirilməsinə cəlb olunan şəxsi heyətlə təlim-metodiki məşğələlər keçirilmişdir. Baş verəcək, ehtimal olunan fövqəladə hallar zamanı şagirdlərin müəsisədən təxliyyəsi və xəsarət zamanı ilk tibbi yardımın göstərilməsi əməli olaraq nümayiş etdirilmişdir.
