"Həmrəylik bayramın mübarək, Vətən"
Məktəbin Azərbaycan dili və ədəbiyyat müəllimi Humay Vəliyeva və məktəbin tarix müəllimi Aynurə Musayevanın təşkilatçılığı ilə 31 dekabr Dünya Azərbaycanlılarının həmrəylik günü ilə əlaqədar "Həmrəylik bayramın mübarək, Vətən" adlı tədbir həyata keçirilmişdir.
Tədbirdə 9B, 7A, 6D, 6C sinif şagirdləri iştirak etdi.
Tədbir himnimizin sədaları ilə başladı. Şagirdlər Vətənimiz, Həmrəylik bayramı, qəhrəmanlıq, azadlıq mövzularında şeirlər söylədilər.
Həmrəylik bayramının yaranma tarixi ilə bağlı video çarxlar izlədilər. Bu bayramı bizə bəxş edən Ulu Öndərimiz Heydər Əliyevin diaspora təşkili, dünya azərbaycanlılarının qurultayının keçirməsi bağlı ilə xidmətlərini qeyd etdilər.
Həmçimin tədbirdə iştirak edən müəllimlər həmin dövrlə bağlı təəssüratlarını şagirdlərlə bölüşdülər.
Məktəbin direktoru Ruhiyyə İbrahimova, direktor müavinləri Məhluqə Bayramova, Vəfa Məmmədova da tədbirdə çıxış etdilər.
