“Qarabağ Azərbaycandır” adlı tədbir keçirildi
V, VII, VIII, IX siniflərin iştirakı ilə“Zəfər Günü”nə həsr olunmuş “Qarabağ Azərbaycandır” adlı tədbir keçirildi.
Tədbir tarix müəllimi Musayeva Aynurənin təşkilatçılığı əsasında hazırlanmışdır. “Qarabağ Azərbaycandır” adlı tədbirdə məktəbin direktoru İbrahimova Ruhiyyə, tarix müəllimi İmanova Elza, kitabxanaçılar, dil və fənn müəllimləri iştirak edirdilər.
27 sentyabr 2020-ci ildə Azərbaycan xalqı, dövləti və ordusu elə bir tarix yazdı ki, bu, bütöv bir millətin ləyaqət rəmzinə çevrildi. Biz yağı düşmənin üstümüzə atdığı ləkəni təmizlədik, biz 30 ildir itirdiyimiz dəyərləri özümüzə qaytardıq, biz illərlə həsrətində olduğumuz torpaqlarımıza qovuşduq. Biz heç nəyi unutmadıq, gücləndik və dünyanın illərdir göz yumduğu ədalətsizliyi özümüz təkbaşına aradan qaldırdıq. Ali Baş Komandan İlham Əliyevin ətrafında sıx birləşən Azərbaycan xalqı 30 illik mərhumiyyətə cəmi 44 günə son qoydu. Azərbaycan xalqı öz Prezidentinin ətrafında sıx birləşməklə bütün dünyaya sübut etdi ki, Qarabağ millətimizin milli ləyaqət rəmzidi və Azərbaycan xalqı 30 ildə bir an da olsun Qarabağ arzusundan bir addım geri çəkilməyib.Vətən müharibəsi bir xalq kimi bizim gücümüzü göstərdi. Bütün dünya gördü ki, 30 il ərzində Ermənistan rəhbərliyi “güclü ordusu” haqqında uydurmalar ortalığa atanda, “yenilməz Ermənistan ordusu” barədə miflər yaradanda Azərbaycanda dünya standartlarına uyğun ordu yaradılıb və bu ordunun gücü döyüş meydanında göründü.
