Qələbəmizin memarları adlı tədbir
Məktəbin Azərbaycan dili və ədəbiyyat müəllimi Humay Vəliyeva 7a sinif şagirdləri ilə birgə, 27 sentyabr anım günü ilə bağlı " Qələbəmizin memarları " adlı tədbir təşkil etmişdi. Tədbirdə müqəddəs şəhidlərimizin əziz xatirəsi yad edildi.
Tədbirdə məktəbin direktoru Ruhiyyə İbrahimova, tərbiyə işləri üzrə direktor müavini Rəfiqə Hacıyeva, hərbi hazırlıq müəllimi Qabil Rəhimov, Azərbaycan dili və ədəbiyyat müəllimləri Ağazadə Əzizov, Humay Vəliyeva çıxış etdilər.
Canlarını vətən uğrunda mübarizədə fəda edən şəhidlərimizin ruhu böyük ehtiramla yad edildi. Məktəbimizin şəhid məzunları - 1 - ci Qarabağ müharibəsində həlak olmuş C. Məmmədyarov , Vətən müharibəsində həlak olan F. Məmmədovun ruhu anıldı. Bayrağımızın işğaldan azad edilmiş torpaqlarda qürurla dalğalanması üçün şəhidlərə minnətdar olduğumuz qeyd edildi.
Görüşdə Şuşa uğrunda döyüşlərdə həlak olan Rövşən Nurzadənin atası , Xalq artisi Əli Nur da çıxış etdi. Həmçinin məktəbi əvvəlki illərdə bitirmiş məzunlar da tədbdə iştirak edərək şəhidləri ehtiramla yad etdilər.
