Ad günlərini şəhidlər xiyabanında keçirən 9 yaşlı məktəblimiz
Sizi Tanıyaq layihəsi bu dəfə də 9 yaşlı məktəbli, savadı və istedadı ilə seçilən Arzu Quliyeva ilə söhbətləşdi. Arzu "ağlım kəsəndən ad günü keçirmirəm çünki, ad günüm 20 yanvar tarixinə düşür. Mənə deyirlər ad günümün vaxtını 20 yanvardan əvvələ və ya sonraya salaq, amma mən razı olmuram. Çünki mənim ad günüm məhz 20 yanvar tarixindədir və mən öz ad günümdə hər il şəhidlər xiyabanına gedirəm"-deyir. -Salam Arzu, necəsən?
-Salam Çox sağ olun. Yaxşıyam.
-Sənin çıxışlrını sosial şəbəkələrdə çox izləmişəm, vətənpərvər qızsan və çıxışların çox gözəldir. Amma sənin haqqında dostların da məlumat almaq istəyər. özün haqda məlumat ver.
-Mən Quliyeva Arzu Racu qızı 2013 cü ilin yanvar aynın 20-də Türkmənistan vilayətinin Marı şəhərində anadan olmuşam. Hazırda Bakı şəhəri Sabunçu rayonu 155 sylı məktəbin 2b sinfində oxuyuram
-Dərslərini necə oxuyursan?
-Dərslərimi yaxşı oxuyuram. Hər bir məktəblinin birinci vəzifəsi dərslərini yaxşı oxumaqdır.
-Sevdiyin fənn hansıdır?
-Sevdiyim fənn Ana Dilidir.
-Hobbin nədir
-Hobbim şeir söyləmək və kitab oxumaqdır
-Hansı peşənin sahibi olmağı arzu edirsən?
-Müəllimə olmaq istərdim.
-Məktəbdə keçirilən tədbirlərdə fəalsanmi?
-Bəli. Çalışıram ki məktəb tədirlərində fəal iştirak edim. Anam işlədiyi üçün bu işlərimdə nənəm kömək edir.
-Ailənizdə səndən başqa xüsusi istedadı olan kim var?
-Nənəmin xüsusi isdedadı var. O, muncuqdan, sapdan, kağızdan cox gözəl əl işləri hazırlayır
-Ən böyük arzun nədir?
-Ən böyük arzum odur ki, xoşbəxt yaşayım. Bütün uşaqların üzü gülsün, bütün əsgərlər evlərinə sağ-salamat qayıtsın. Bir də müharibə olmasın.
-Ad günün 20 yanvar tarixinə düşdüyü üçün heç vaxt ad günü keçirməmisən dedilər Düzdürmü
-Əlbətdəki düzdür. Mən 20yanvar tarixində dogulduğum üçün ad günümü keçirmirəm Həmin günləri şəhidlərimizi yad edirik.
-Arzu, biz də Sizi Tanıyaq ailəsi adından sənə dərslərində uğurlar arzulayırıq. Bütün arzuların gerçək olsun.
