Pedaqoji şura keçirildi
15 yanvar 2021 – ci il tarixində Pedaqoji Şuranın Microsoft Teams platforması üzərindən onlayn iclası keçirildi.
Məktəbin direktoru Ruhiyyə İbrahimova çıxış edərək müzakirə olunacaq məsələlərlə pedaqoji heyəti tanış etdi. Sinif rəhbərlərinin fəaliyyəti təhlil olundu. Nöqsanlar və çatışmazlıqlar qeyd edildi.
Direktor müavinləri Vəfa Məmmədova və Rəfiqə Hacıyeva çıxış edərək tədrisin məsafədən idarə olunmasında məsuliyyət və fəallıq göstərən sinif rəhbərlərinə və fənn müəllimlərinə təşəkkür etdilər.
Fənn olimpiadalarının məktəbdaxili mərhələsinin təşkili, distant dərslərin tədrisi vəziyyəti, Azərbaycan Respublikası Təhsil Nazirliyinin 16.11.2020 –ci il tarixli F –512 nömrəli, BŞTİ – nin 24.11. 2020 –ci il tarixli F –233 nömrəli əmri ilə təsdiq olunmuş "Azərbaycan xalqının tarixi qələbəsinin tədrisdə əks etdirilməsi haqqında" Fəaliyyət planına uyğun tədbirlərin təşkili barədə göstəriş və tövsiyələrini verdi.
Tarix müəllimləri Elza İmanova və Aynurə Musayeva, Azərbaycan dili və ədəbiyyatı müəllimi Kəmalə Hüseynova çıxış edərək cari məsələlərlə bağlı təkliflərini bildirdilər.
