151 №-li tam orta məktəb

BÜTÜN RƏQİBLƏRİNİ MƏĞLUB EDİBBakı şəhəri Nəsimi rayonu 151 nömrəli tam orta məktəbin 8a sinif şagirdi Nəbiyev Mircavad Mirəli oğlu “Zenit” BTİCİB-də sərbəst güləş növü üzrə məşqçi Cavid Qurbanzadənin rəhbərliyi altında məşq edir. O, 2016-cı ildə Şamaxıda keçirilən Oleq Krapivinin şərəfinə beynəlxalq turnirin qalibi olmuşdur. Mircavad Nəbiyev sonra yeniyetmələrdən ibarət yığma komandaya çağrılmışdır. Yığma komanda ilə birlikdə İranın İsfahan şəhərində keçirilən beynəlxalq turnirdə də şəxsi mübarizədə 5 görüşün hamısını qalibiyyətlə başa vurmaqla I yeri, ümumi komanda hesabında isə II yeri tutmuşdur. 29-30 noyabr 2016-cı il tarixdə Gürcüstanın Kutaisi şəhərində keçirilən beynəlxalq turnirdə də bütün rəqiblərini məğlub etmişdir. Finalda isə erməni rəqibini məğlub edərək I yerə layiq görülmüşdür. Mircavad Nəbiyevin bütün qalibiyyətlərinə biz də sevinərək ona uğurlar arzulayırıq!

İdman uğurlarımız davam edirMəktəbimizin 8b sinif şagirdi Abbasov Murad Cantik oğlu Azərbaycan Respublikasının Əməkdar məşqçisi, SSRİ idman ustası mərhum Nadir Yaqub oğlu Ağayevin xatirəsinə həsr olunmuş Yunan-Roma güləşi üzrə yeniyetmələr arasında keçirilmiş ənənəvi respublika turnirində I yer tutduğuna görə Diplomla təltif edilmişdir.

Yeni uğurumuz151 №-li tam orta məktəbin 3b sinif şagirdi Qasımlı Riad Ocaq oğlu Azərbaycan Respublikasının Gənclər və İdman Nazirliyi tərəfindən 8 noyabr 2016-cı il tarixdə Azərbaycan Respublikası 14-cü Azərbaycan Birinciliyi Batut Gimnastikası fərdi Kişilər (kiçiklər) arasında keçirilən yarışda II yerə layiq görüldüyünə görə diplomla təltif olunmuşdur.