151 №-li tam orta məktəb

Ümumi təhsil müəssisələrinin IX-XI sinif şagirdlərinin iştirakı ilə keçirilən “Zəkaların mübarizəsi” olimpiadasının bilik yarışı kateqoriyasında Bakı şəhəri üzrə regional mərhələsi keçirilib.

Paytaxtdakı 133 nömrəli tam orta məktəbdə təşkil olunan tədbirdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova, Yasamal Rayon İcra Hakimiyyətinin (RİH) başçısının müavini Təravət Muradova, Təhsil İnstitutunun direktor müavini Fuad Qarayev, BŞTİ-nin struktur bölmə rəhbərləri, məktəb direktorları və “Zəkaların mübarizəsi” olimpiadasının regional mərhələsinə vəsiqə qazanan komandalar iştirak ediblər.

Tədbir Dövlət Himninin səsləndirilməsi, Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Tədbirdə Nərminə Hüseynova Heydər Əliyev Fondu və Elm və Təhsil Nazirliyinin birgə əməkdaşlığı ilə reallaşdırılan olimpiadanın əsas məqsədinin fənlərin dərindən öyrənilməsinə marağın artırılması, onların dünyagörüşünün genişləndirilməsi, sağlam rəqabət mühitinin  yaradılması, şagirdlər arasında dostluq əlaqələrinin qurulması və ümumilikdə şagirdlərin öyrənməyə təşviq edilməsindən ibarət olduğunu xatırladıb.

 Regional mərhələdə iştirak edən komandalara uğurlar arzulayan N.Hüseynova bu cür olimpiadaların şagirdlərin  bilik və bacarıqlarını artırmaqla bərabər, həm də  onlarda təlim motivasiyasını yüksəldəcəyinə, özünəinam hissinin artırılmasına müsbət təsir göstərəcəyinə əminliyini ifadə edib.

Təhsil İnstitutunun direktor müavini Fuad Qarayev, Yasamal RİH başçısının müavini Təravət Muradova olimpiada və müsabiqələrdə istedadlı şagirdlərin üzə çıxarılmasının ölkəmizin gələcək yüksək savada malik kadr potensialının formalaşması baxımından önəmli rolunu vurğulayıb, bu cür bilik yarışlarının şagirdlərə yalnız elm deyil, həm də dünyagörüşü qazandırdığını bildiriblər.

Tədbir ədəbi-bədii kompozisiyalarla davam edib.

Daha sonra regional mərhələyə vəsiqə qazanmış 12 komanda riyaziyyat-məntiq, rəqəmsal texnologiyalar, təbiət elmləri, humanitar elmlər, mədəniyyət və incəsənət olmaqla 5 müxtəlif istiqamət üzrə 25 sualı cavablandırıblar.

 İlk 5 yeri tutan komandalar - Xəzər, Nəsimi, Yasamal, Xətai və Nərimanov komandaları olimpiadanın respublika mərhələsində iştirak hüququ qazanıb.

Qalib komandalara diplomlar təqdim olunub.

Məktəbdə Təhsil Nazirliyinin təşəbbüsü ilə “Reproduktiv sağlamlığın tədrisi” proqramı çərçivəsində seminar keçirildi. 

Seminarda VI sinfin qızları iştirak etdilər.Məruzəçi şagirdlərə sağlam həyat tərzi keçirmək üçün, gələcəkdə uğurlu ailə qurmaq üçün zərərli vərdişlərdən uzaq olmağın, reproduktiv sağlamlığa riayət etməyin vacibliyi və yolları haqda ətraflı məlumat verdi.

Seminarın sonunda şagirdlərə hədiyyələr təqdim edildi. 

Məktəbimizin bir qrup şagirdlərinə Respublika Seysmoloji Xidmət Mərkəzinə ekskursiyası təşkil edilmişdir.

Şagirdlərə iqlim dəyişmələri və onların başvermə səbəbləri haqqında ətraflı məlumat verilmişdir. 

Elektron sistemlə bağlı maarifləndirmə işinin təşkili

 Sağlam həyat tərzi və reproduktiv sağlamlıqla bağlı  VIII  siniflərdə "Erkən nigahın fəsadları" adlı və IX siniflərdə "Qohumlararası nigahın fəsadları"mövzularında sinif təşkilat saatlarında oğlan və qızlara ayrı- ayrılıqda məktəbin biologiya müəllimləri, həkimi, tibb bacısı və psixoloqun iştirakı ilə maarifləndirici dərslər təşkil edilib.