“Əbədiyyət üfüqündə doğmuş eşq günəşi” adlı tədbir keçirildi
Bu gün məktəbdə dahi klassiklərimizdən olan İmaməddin Nəsiminin 650 illik yubileyinə həsr olunmuş möhtəşəm tədbir təşkil edildi. Tədbiri məktəbin direktoru K.H.Tanrıverdiyeva açıq elan edərək qonaqları salamladı. Tədbir ədəbiyyat müəllimi Solmaz Süleymanovanın təşkilatçılığı ilə keçirildi.
Nəsimi Rayon İcra Hakimiyyətinin I müavini Gülarə xanım Verdiyeva, respublikanın xalq artisti,əməkdar incəsət xadimi Şeyx Əbdül, əməkdar artist Xalidə xanım Quliyeva, Azərbaycan Dövlət İncəsənət Universitetinin müəllimi, kiçik elmi işçi Sevinc xanım və universitetin iki tələbəsi, valideynlər tədbirdə iştirak etdilər.
Qonaqlar mövzu ilə əlaqədar dəyərli çıxışlar etdilər. Tələbələr dahi sənətkarın qəzəllərindən nümunələr söylədilər.
Tədbirin sonunda şagirdlərin rəsm işlərindən ibarət sərgiyə baxış təşkil edildi. Fərqlənən şagirdlər rəğbətləndirildi.
