Əlifba bayramı keçirildi
151 nömrəli tam orta məktəbdə 2019-cu tədris ilini başa vuran 1”A” və 1 ”B” sinif şagirdlərinin "Əlifba" bayramı təşkil olundu. Məktəb həyatının ən məsuliyyətli ilk ilini başa vuran balacalar bu əziz bayrama xüsusi hazırlaşmışdırlar.
Tədbirdə məktəb rəhbərliyi, müəllim kollektivi, valideynlər və digər siniflərin şagirdləri iştirak etdilər. Bayram günündə birinciləri ilk təbrik edən məktəbin direktoru Kifayət Tanrıverdiyeva oldu. O, şagirdlərə Vətənə, millətə layiqli övlad kimi böyümələrini arzuladı, onlara dərslərdə daha məsuliyyətli, diqqətli olmağı tövsiyə etdi.
Rəsmi hissədən sonra söz birincilərə verildi. Birincilər dərs ili ərzində əldə etdikləri bilik və bacarıqlarını nümayiş etdirməklə, şeirlər söylədilər, müxtəlif səhnəciklər göstərdilər, mahnı və rəqslər təqdim etdilər. Məktəbə gəldikləri ilk gündən öyrənməyin həyəcanını yaşayan, ilk məsuliyyəti balacalar beləcə öyrəndikləri "Əlifba" ilə elmin bütün sirlərindən agah olmağa doğru yol aldılar.
Sonda valideynlər öz çıxışlarında məktəb rəhbərliyinə və sinif müəllimlərinə təşəkkür etdilər.
