“Valideynin məktəbdə bir günü” adlı layihə həyata keçirildi
Valideynlərin övladlarının təhsil aldıqları müəssisə ilə yaxından tanışlığının təmin olunması, istər infrastruktur, istərsə də tədris prosesinin təşkilinin təkmilləşdirilməsi istiqaməti üzrə rəy və təkliflərinin əldə edilməsi, məktəbin pedaqoji heyəti və texniki işçi kollektivi ilə ünsiyyət platformasının yaradılması məqsədi ilə 151 nömrəli tam orta məktəbdə “Valideynin məktəbdə bir günü”adlı layihə həyata keçirildi.
Tərtib edilmiş “Valideynin məktəbdə bir günü” adlı tədbirin proqramına uyğun olaraq rəsmi açılış oldu. Sonra valideynlərin övladlarının təhsil aldıqları müəssisə ilə yaxından tanışlığı təmin edildi. Valideynlərin məktəb kitabxanası, akt zalı, idman zalı, sinif sinif otaqları, tibb otağı və labaratoriyaları gəzərək məktəb mühiti ilə tanış oldular. Müxtəlif fənlər üzrə dərslərdə iştirak etdilər
Valideynlərin istər infrastruktur, istərsə də tədris prosesinin təkmilləşdirilməsi, eləcə də məktəb mühitinə göstərə biləcəkləri töhfələr ilə bağlı rəylər, təkliflər əldə edilərək məktəb rəhbərləri ilə səmərəli fikir mübadiləsi və müzakirələr aparıldı. Sonda istedadlı şagirdlərin ifasında musiqi nömrələri dinlənildi və şagirdlərin rəsmlərindən ibarət sərgi təşkil edildi.
Beləliklə “Valideynin məktəbdə bir günü” layihəsi valideyn əməkdaşlığını daha da ön plana çəkir, şagird şəxsiyyətinin formalaşmasında mühüm rol oynayır. Valideyn- şagird- müəllim və məktəb rəhbərliyi arasında əməkdaşlıq birgə qərarların qəbul edilməsinə, hər bir iştirakçının rəylərini , təkliflərini əldə etməyə, kollektiv şəkildə fəaliyyətlər icra etməyə imkanlar yaradır.
