31 dekabr - Dünya Azərbaycanlılarının Həmrəyliyi Günü
Dünya Azərbaycanlılarının Həmrəyliyi Gününün qeyd edilməsi bütün dünya azərbaycanlıları tərəfindən artıq zərurətə və mənəvi ehtiyaca çevrilmişdir. Azərbaycanlılar minilliklər boyu özlərini doğma torpağı olan tarixi Azərbaycan ərazisində yaşayaraq dünya sivilizasiyasına böyük töhfələr vermişlər. Dünya Azərbaycanlılarının Həmrəyliyi Günü bayramı 70-dən çox ölkələrdə azərbaycanlılar tərəfindən qeyd olunur. Həmrəylik gününü hətta milliyətcə azərbaycanlı olmayıb, lakin Azərbaycanda doğulub böyümüş, Azərbaycan əsilli diaspora nümayəndələri də qeyd edirlər.
31 dekabr - Dünya Azərbaycanlılarının Həmrəyliyi Günü və Yeni il münasibəti ilə Bakı şəhəri 151 nömrəli tam orta məktəbdə geniş tədbir keçirildi. Məktəbimizin şagirdləri müxtəlif şeirlər və mahnılar ifa etdilər. Əl işlərindən və rəsmlərdən ibarət sərgi təşkil edildi. Sərgi öz qeyri-adiliyi ilə valideyn, müəllim və şagirdlərin böyük marağına səbəb oldu. Bütün siniflər üzrə divar qəzetləri buraxıldı.
Bakı şəhəri 151 nömrəli tam orta məktəbin şagird və müəllim kollektivi sizi Dünya Azərbaycanlılarının Həmrəyliyi Günü və Yeni il münasibəti ilə ürəkdən təbrik edir.
