El bilir ki, sən mənimsən
Dekabrın 5-də Nəsimi rayon 151 nömrəli tam orta məktəbdə “El bilir ki, sən mənimsən” adlı vətənpərvərlik mövzusunda “dəyirmi masa” keçirildi.
Tədbiri məktəbin Azərbaycan dili müəllimi Solmaz Süleymanova açaraq Azərbaycanın mübarizələrlə dolu keçdiyi yolu və onun ədəbiyyatda əks olunmasını klassik şair və yazıçılardan gətirdiyi nümunələrlə şagirdlərə çatdırdı.
Sonra şagirdlərin Azərbaycanın müstəqilliyi, cümhuriyyətin kecdiyi yol, vətənimizin müasir dövrdə inkişafı ilə bağlı təqdimatları dinlənildi. Məktəblilərin yurdumuzun füsunkar gözəlliyini, mübarizliyini tərrənüm edən şeir və mahnıları dinlənildi. Şagirdlərdən İ. Afşari, N.Həsənova, H.Nərmin, R.Nuray, R.Nigar, L.Dadaşova, M.İmaməliyeva, M.Əliyeva, İ.Məmmədov, İ.Quliyev, A.Həsənova maraqlı çıxışlar etdilər.
Tədbirin sonunda məktəbin tərbiyə işləri üzrə direktor müavini Mahirə Qafarova çıxış edərək Azərbaycançılığı təbliğ edən bu tədbir üçün müəllim və şagirdlərə təşəkkür etdi.
