Yaddan çıxmaz Qarabağ
Bakı şəhəri üzrə Təhsil İdarəsinin 04.04.2018-ci il tarixli F-148 nömrəli əmrinə əsasən 151 nömrəli tam orta məktəbdə şagirdlərin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı“Oxu günü” çərçivəsində “Yaddan çıxmaz Qarabağ” adlı ədəbi-bədii kompozisiyalardan ibarət tədbir təşkil edildi
Tədbiri məktəbin Azərbaycan dili və ədəbiyyat müəllimi, əməkdar müəllim Solmaz Süleymanova açaraq Qarabağın tarixi haqqında ətraflı məlumat verdi.
Tədbirdə Qarabağın tarixi, ərazisi, əhalisi, mədəni irsi, yeraltı və yerüstü sərvətləri haqqında şagirdlərin topladıqları ətraflı məlumatlar təqdim olundu.
Şagridlərin ifasında şeirlər söylənildi, mahnılar səsləndi.Qarabağ müharibəsini təsvir edən kiçik dialoqlar, səhnəciklər şagirdlərin ifasında maraqla qarşılandı.
Tədbir iştirakçıları bir daha əmin oldular ki, Qarabağ torpaqları Azərbaycanın əzəli, əbədi məskənidir.
