Xocalıya ədalət!
Bakı şəhəri 151 nömrəli tam orta məktəbdə ilk dərslər “Xocalı soyqırımı”na həsr olundu.Məktəbin ibtidai sinif müəllimi Məlahət Abdullayeva da öz dərsini “Xocalı faciəsi”nin 26-cı ildönümünə həsr etdi. Müəllim ilk öncə erməni faşistlərinin törətdikləri o qanlı faciənin dəhşətlərindən ürək ağrısı ilə danışaraq geniş məlumat verdi.O,xüsusilə vurğuladı ki, ”Xocalıya ədalət ”kampaniyası 2008-ci ildə Heydər Əliyev Fondunun vitseprezidenti Leyla Əliyevanın təşəbbüsü ilə başlanıb.Kampaniyanın məqsədi Xocalı soyqırımı haqqında həqiqətlərin dünyaya çatdırılması və bu faciənin Azərbaycan xalqına qarşı soyqırım kimi tanınmasına nail olmaqdır.Sonda videoçarx nümayış etdirildi.
