Xocalı harayı adlı ədəbi-bədii kompozisiya
Fevralın 26-da Bakı şəhəri 151 nömrəli tam orta məktəbdə Xocalı soyqırımı qurbanlarını yad etmək, böyüməkdə olan nəslə Azərbaycan tarixi haqqında həqiqətləri çatdırmaq, doğma vətənə sevgi aşılamaq, onlar arasında milli vətənpərvərlik ruhunu yüksəltmək məqsədilə “Xocalı harayı” adlı ədəbi-bədii kompozisiya keçirildi. Tədbirdə 2”A” və” 3”A sinifləri iştirak etdilər.Tədbir iştirakçıları tərəfindən Xocalı soyqırımına aid şeirlər, mahnılar, bayatılar səsləndirildi. “Ana fəryadı” adlı səhnəcik göstərildi. Təsviri incəsənət dərsində “Müharibə uşaqların gözü ilə” adlı rəsmləri ilə düşmənlərə qarşı öz etirazlarını bildirdilər. Tədbirdən sonra bir qrup şagird və müəllim kollektivi Xocalı soyqırımında həlak olmuş insanların əbədi xatirəsini yad etmək məqsədilə “Ana fəryadı” abidəsini ziyarət etdilər.
