Milli qəhrəmanlarımız and yerimizdir
Xalqımızın qan yaddaşına əbədi həkk olunmuş 20 yanvar faciəsindən 28 il ötməsinə baxmayaraq o məsum gecənin doğurduğu matəm acısı unudulmur,vətənimizin şərəfi,xalqımızın azadlığı uğrunda qurban gedən şəhidlərimizin xatirəsi hər zaman olduğu kimi bu gün də əziz tutulur.
Məktəbdə 20 yanvar faciəsinin 28-ci ildönümü ilə əlaqədar bir sıra silsilə tədbirlər həyata keçirildi.Sinif təşkilat saatlarında şagirdlərlə söhbətlər aparıldı, divar qəzetləri buraxıldı,“Qanlı şənbə gecəsi” adlı rəsm sərgisi keçirildi,”Milli qəhrəmanlarımız and yerimizdir” adlı ədəbi-bədii gecə təşkil edildi.Məktəb kitabxanasında”Azadlığa gedən yolun zirvəsi” adlı dəyirmi masa keçirildi.Ədəbi-bədii gecədə şəhidlərin xatirəsinə həsr olunmuş seirlər dinlənildi,mahnılar ifa olundu.Hüzn dolu bu gün bir də yaddaşlarda səhifələndi.Məktəbin bir qrup şagird və müəllimlərinin iştirakı ilə Şəhidlər Xiyabanına ziyarət təşkil edildi.Allahdan bütün şəhidlərimizə rəhmət diləyirik.Onların xatirəsi əbədi olaraq yaddaşlardan silinməz olaraq qalacaqdır.
