Tullantılara ikinci həyat
Təbii mühitin çirklənməsinin əsas mənbəyi istehsal və cəmiyyətin həyat fəaliyyəti prosesində əmələ gələn külli miqdarda tullantıların atılmasıdır. Bunun qarşısının alınması üçün tullantıların çeşidlənməsi və təkrar emalı vacibdir. Nəsimi rayonu 151 nömrəli tam orta məktəbdə şagirdlərə mütəmadi olaraq tullantıların azaldılması və təkrar istifadəsi vərdişləri aşılanır, həmçinin lazımsız hesab edilən materiallardan yararlı və faydalı əşyalar hazırlanmasının mümkünlüyü izah edilir. IXa sinif şagirdləri və “Yaşıl planet” qrupunun üzvləri müxtəlif yararsız tullantı məhsullarından istifadə edərək Yeni il bayramına aid bəzək əşyalarından ibarət sərgi təşkil etdilər. Sərgi şagirdlər tərəfindən maraqla qarşılandı.
