Ürəklərdə özünə yer tapan ümummilli liderimiz
Azərbaycan xalqının tarixində müstəsna xidmətləri olan tarixi şəxsiyyətlər, görkəmli siyasət və dövlət adamları çox olmuşdur. Onlar zaman-zaman gördükləri böyük işləri və əməlləri ilə yadda qalmış və unudulmamışdır. Belə şəxsiyyətlər içərisində Azərbaycan xalqının ümummilli lideri adını qazanmış görkəmli dövlət xadimi, dünya miqyaslı siyasətçi Heydər Əliyevin xüsusi rolu vardır.
Hər il olduğu kimi, bu il də Ulu öndərin əziz xatirəsi xalqımız tərəfindən böyük ehtiramla yad edildi.
Məktəbin ibtidai sinif müəllimi Məlahət Abdullayeva şagirdlərin iştirakı ilə sinifdə Ulu öndərin xatirəsinə həsr olunmuş guşə yaratmış, divar qəzeti hazırlamışdır. O, şagirdlərə məlumat verərək ümummilli liderin bəşəri keyfiyyətləri, hər şeydən öncə demokratik dövlət qurucusu olması haqqında məlumat vermişdir. Dərsdən sonra şagird və valideynlərin iştirakı ilə Ulu öndər Heydər Əliyevin Fəxri Xiyabanda məzarı ziyarət edilmişdir.
