9 Noyabr - Azərbaycan Respublikasının Dövlət Bayrağı Günüdür!
151 nömrəli tam orta məktəbdə 2017-cı ilin noyabr ayı üçün tərtib edilmiş tədbirlər planına əsasən 9 Noyabr - Azərbaycan Respublikasının Dövlət Bayrağı Gününə həsr edilmiş bir sıra silsilə tədbirlər həyata keçirildi. Belə ki, 9 Noyabr - Azərbaycan Respublikasının Dövlət Bayrağı Gününə həsr olunmuş sinif təşkilat saatları keçirilmiş, məktəblilər arasında “Mənim bayrağım ən gözəl bayraqdır” mövzusunda rəsm müsabiqəsi keçirilmiş və sərgi təşkil edilmişdir. VIII-XI siniflər arasında “Bir kərə yüksələn bayraq bir daha enməz” mövzusunda inşa yazı, I-VII siniflər üzrə isə bədii qiraət müsabiqəsi keçirilmişdir. 08.11.2017-cı il tarixdə “Bayrağımız qürur mənbəyimizdir” adlı tədbir keçirilmişdir. Tədbirdə əsasən 2"A", 2"B", 3"A", 7"A" sinifləri fəal iştirak etmişlər. Sonda şagirdlərə videoçarx nümayiş etdirilmişdir.
