"Yaşıl söhbət" layihəsinin iştirakçısı
Gənclərin ekoloji məsələlərə cəlb edilməsi və onların ekoloji problemlərlə mübarizəyə qoşulmaları naminə irimiqyaslı layihələr həyata keçirən “İDEA” İctimai Birliyi “Yaşıl söhbət” layihəsi çərçivəsində görüşlər aparır. Məktəbimizdə yaradılmış “Yaşıl Planet” briqadasının üzvrərindən olan Rəvan Səfərli bu layihəyə qoşularaq, şirkət və quruluşların ətraf mühitə mənfi təsirləri və bu təsirlərin azadılması məqsədilə korporativ sosial məsuliyyətin yerinə yetirilməsi ilə bağlı müzakirələrdə iştirak etmişdir. Klubda müxtəlif yaş qruplarına aid olan gənclər bir saat müddətində ətraf mühitlə bağlı videoçarxlar izləyərək təəssuratlarını bölüşmüş, ekoloji mövzularda aparılan söhbətlərdə və interaktiv oyunda iştirak etmişlər. Söhbət klubuna qoşulan gənc ekoloqlar ətraf mühitlə bağlı bilikləri və xarici dil səviyyəsini təkmilləşdirməyi qarşılarına məqsəd qoymuşlar.
