Maarifləndirici ekoloji tədbir
Aprelin 20-də Bakı Dövlət Universitetinin Ekologiya və Torpaqşünaslıq fakültəsinin bir qrup tələbəsi 151 nömrəli tam orta məktəbdə “Ekologiya və ətraf mühit” adlı maarifləndirici tədbir təşkil etdilər. Aytac Quluzadə “Qlobal ekoloji problemlər”, Fatimə Cəfərova “Ozon təbəqəsinin ildən-ilə nazikləşməsi və ozon deşiklərinin yaranması”, Emil Ağayev “Bitki və heyvanların məhv edilməsi” haqda geniş məlumatlar verdilər. Tələbələr əldə etdikləri məlumatlara əsasən, təbii fəlakətlərin sayının artmasını xüsusilə vurğuladılar. Sonda şagirdlərin ekologiya ilə bağlı sualları cavablandırıldı və ekoloji cizgi filmi nümayiş etdirildi.
