ADPU-nun müəllim heyəti və tələbələri məktəbimizin qonağı oldu
Aprelin 19-da ADPU-nun Musiqi, Təsviri incəsənət, Fiziki tərbiyə və Çağırışaqədər hazırlıq fakültələrinin müəllim heyəti və tələbələri ilə 151 nömrəli tam orta məktəbin müəllim və şagirdləri arasında görüş keçirildi. Tədbirdə Musiqi və onun tədrisi metodikası kafedrasının müdiri Zemfira Abdullayeva, kafedranın baş müəllimi Gülarə Aslanova, konsertmeyster Elmira Həsənova da iştirak etdilər. Məktəbin direktoru Kifayət Tanrıverdiyeva tədbir iştirakçılarını salamlayaraq qonaqları təqdim etdi. Zemfira Abdullayeva çıxış edərək ADPU-nun Azərbaycanda pedaqoji təhsil sisteminin ən böyük təhsil, elm və mədəniyyət mərkəzlərindən biri olduğunu və 1980-ci ildən fəaliyyət göstərdiyini qeyd etdi. Musiqinin insanların həyatında, xüsusən gənc nəslin hərtərəfli inkişafında əsas amil olduğunu vurğulayan Zemfira Abdullayeva məktəbin məzunlarını ADPU-nun tələbələri sıralarında olmağa dəvət etdi. Fiziki tərbiyə və çağırışaqədərki hazırlığın tədrisi metodikası kafedrasının baş müəllimi Natiq Əliyev də çıxış edərək tələbələrinin uğurlarından danışdı.Tələbələr müxtəlif alətlərdə ifa edərək şagirdlər qarşısında çıxışlar etdilər. Məktəbimizin şagirdləri də hazırladıqları mahnı və musiqi nömrələrini təqdim etdilər.
