12 aprel - Dünya Kosmonavtika günüdür
12 aprel - Ümumdünya Kosmonavtika günüdür. Bu günün keçirilməsi 56 il əvvəl, 1961-ci il aprelin 12-də Yuri Alekseyeviç Qaqarinin bəşər tarixində ilk dəfə kosmosu fəth etməsi ilə bağlıdır. Bununla da kosmosun fəth erasının əsası qoyulub. Məktəbimizdə 12 aprel - Ümumdünya Kosmonavtika gününə həsr olunmuş dərslər, sinif saatları, seminarlar keçirildi. Rus dili müəllimi Almasova Sənubər keçirdiyi "Шаг во Вселенную" adlı tədbirdə kosmos günü tarixindən, səma cismlərindən şagirdlərə geniş məlumat verdi, maraqlı təqdimatlar nümayiş etdirdi. Azərbaycan kosmik sənayesinin öyrənilməsi və bu sahədə tədqiqatların aparılması sahəsində akademik Tofiq İsmayılovun mühüm rol oynadığı vurğulandı. Onu da qeyd edək ki, Tofiq İsmayılov bizim məktəbdə təhsil almışdır. Kitabxana müdiri M.Orucova kosmosa uçuş üzrə Dövlət kKmissiyasının sədri olmuş azərbaycanlı alim Kərim Kərimov haqqında ətraflı məlumat verdi.Tədbir iştirakçıları şeirlər söylədilər və kiçik səhnəciklər göstərdilər.
