Təbiəti qorumağa həmişə hazır ol!
“Yaşıl Planet” tədqiqatçı bioloqlar briqadasının üzvlərindən N.Allahverdiyeva, N.Xudakişiyeva, G.Gözəlova, R.Səfərov, A.Kərimov və Y.Qasımov gənc nəsli müsbət və davamlı ekoloji dəyişiklik yaratmağa hazırlamaq naminə dialoq, fəaliyyət, liderlik və təhsil kimi başlıca prinsiplərə əsaslanan İDEA ictimai birliyinin “Eko-skaut” layihəsinə üzv oldular. İlk olaraq onlara layihənin mahiyyəti, eko-skaut qaydaları, üzvlük kartı və yüksək statuslu kartlar almağın yolları, balların toplanma mexanizmi haqqında ətraflı məlumat verildi. Sonra şagirdlərə üzvlük kartı və İDEA tərəfindən xüsusi olaraq hazırlanmış papaq, bel çantası, döş nişanları təqdim olundu. “Gənc ekoloq” adı qazanan üzvlər “Eko-skaut andı” içdilər.
