Məktəbimiz “Məktəb bağları” layihəsinə qoşuldu
8 aprel 2017-ci il tarixdə Nəsimi rayonu məktəbliləri Heydər Əliyev Fondunun vitse-prezidenti Leyla Əliyevanın təşəbbüsü ilə başlanılmış “Məktəb bağları” layihəsinə qoşulmuşlar. 151 nömrəli tam orta məktəbin “Yaşıl planet” tədqiqatçı bioloqlar briqadasının üzvləri də həmin layihəyə qoşularaq 111 nömrəli tam orta məktəbin həyətyanı sahəsində Nəsimi Rayon İcra Hakimiyyəti tərəfindən təşkil edilən iməcilikdə iştirak etmişlər. İməcilik balacaların hazırladıqları musiqi nömrəsi ilə başladı. Nəsimi Rayon İcra Hakimiyyətinin başçısı Asif Əsgərov çıxış edərək məktəbliləri salamladı. Sonra “Hərəyə bir ağac əkək” aksiyası başladı. Məktəbyanı sahədə müxtəlif ağaclar əkildi. Sonda məktəblilərə meyvələr paylandı. 
