“Novruz gəlir, yaz gəlir”
Xalqımızın milli-mənəvi dəyərlərinin yaşadılması, gələcək nəsillərə ötürülməsi məqsədilə 17.03.2017-ci il tarixdə məktəbimizin akt zalında “Novruz gəlir, yaz gəlir” adlı geniş tədbir keçirildi. Tədbirdə məktəb kollektivi və valideynlər iştirak etdilər. 1b və 4b sinif şagirdlərinin milli adət-ənənələrə əsasən bəzədilmiş zalda hazırladıqları müxtəlif çıxışlar hər kəsin marağına səbəb oldu. Novruz bayramının personajları olan Kosa və Keçəlin çıxışı tədbirə daha yeni rəng qatdı. Milli geyimlərdə olan şagirdlər müxtəlif şeirlər söylədilər, səhnəciklər göstərdilər, rəqslər ifa etdilər. Yeni həyat gətirən, qəlbləri sevindirən, ətrafı gözəlləşdirən, təbiəti oyadan, bayramların ən sevimlisi olan Novruz bayramınız mübarək!
