Yel çərşənbəniz mübarək!
Xalq arasında “Külək oyadan çərşənbə” kimi tanınan Yel çərşənbəsi ilaxır çərşənbələrin üçüncüsüdür. Məhz bu çərşənbə günü hər yerdə təmizlik işləri aparılır. İnama görə bu çərşənbədə oyanan yel, külək oyanmış suyu, odu hərəkətə gətirir. Məktəbimizin bir qrup şagirdləri əvvəlcə sinif otaqlarında təmizlik işləri apardılar, dibcəkləri sulayıb kitab rəflərini, masa və oturacaqları təmizlədilər. Sonra məktəbyanı sahədə ağacların dibini yumşaltdılar və suvardılar. Məktəblilər böyük həvəslə quşlar üçün hazırladıqları yuvanı Məlahət müəllimin köməyi ilə ağacdan asdılar. Yel çərşənbəniz mübarək!
