“Ekologiya və iqtisadiyyat”
25.01.2017-ci il tarixdə 151 nömrəli tam orta məktəbdə “Ekoloji aylıqlar” layihəsi çərçivəsində “Ekologiya və iqtisadiyyat” mövzusunda tədbir keçirilmişdir. Tədbirdə Azərbaycanın təbii sərvətləri - meşə, su ehtiyatları və dərman bitkiləri haqqında maraqlı slaydlar təqdim edilmiş, məlumatlar verilmişdir. Əsas məqsəd ətraf mühitin qayğısına qalmaq, gələcək nəsillərin də payı olduğunu nəzərə alaraq təbii sərvətlərdən daha qənaətlə istifadə etmək olmuşdur. Tədbirin nəticəsi olaraq şagirdlər belə qərara gəlmişlər ki, təbii sərvətlərdən daha qənaətlə istifadə etmək istiqamətində təbliğat işini daha da gücləndirsinlər.
