"31 Dekabr - Dünya Azərbaycanlılarının Həmrəyliyi Günü"nə həsr olunmuş silsilə tədbirlər
27.12.2016-cı il tarixdə 151 №-li tam orta məktəbdə "31 Dekabr - Dünya Azərbaycanlılarının Həmrəyliyi Günü"nə həsr olunmuş "Dekorativ tətbiqi sənət" adlı rəsm və əl işlərindən ibarət sərgi keçirildi. Sərgidə müəllimlər, valideynlər, şagirdlər və qonaqlar iştirak etdilər. Giriş sozü ilə sərgini məktəbin direktoru K.Tanrıverdiyeva açıq elan etdi. Sonra qonaqları təqdim edərək əl işləri ilə tanış etdi. Rəsmlərə və əl işlərinə baxış keçirildi. Sərgidə ADPU-nin Musiqi, təsviri incəsənət və çağırışa hazırlıq fakültəsinin müəllimi, rəssam, dosent Səyyad Əliyev və məktəbdə təcrübə keçən tələbələr də iştirak etdilər. Fərqlənən əl işləri və rəsmlər elan edildi. Məktəbin təsviri incəsənət müəllimi Sevda Əliyeva sərginin sonunda çıxış edərək işləri zəif olan şagirdlərə ruhdan düşməməyi tövsiyə etdi. 28.12.2016-cı il tarixdə 1a, 1b siniflərində Yeni ilə həsr olunmuş tədbir keçirildi. Tədbirdə müxtəlif mahnılar ifa olundu, şeirlər söylənildi, səhnəciklər göstərildi. Yeni ildə hər kəsə uğurlar arzu edirik!
