“Memorial kompleks”in açılışı
2016-cı il noyabr ayının 28- də məktəbimizin bir qrup şagird və müəllim kollektivi Azərbaycan Respublikası Prezidenti Yanında QHT-na Dövlət Dəstəyi Şurasının maliyə dəstəyi və Müharibə Veteranları və Beynəlmiləlçi Hərbçilər İçtimai Birliyinin təşkilatı dəstəyi ilə ”Azərbaycan Respublikası Silahlı Qüvvələrinin hərbi hissələrinin ölkəmizin mənafeyi,ərazi bütövlüyü və müstəqilliyinin təmin edilməsi uğrunda fədakarlığının təbliği “ adlı layihənin icrası çərçivəsində hazırlanmış tədbirdə iştirak etmişlər. Tədbirdə Silahlı Qüvvələrimizin hərbi hissələrinin ən yeni hərb tariximizdə baş vermiş döyüş əməliyyatlarında göstərdiyi qəhrəmanlıqlara həsr olunmuş məruzələr dinlənilmiş və layihə çərçivəsində ərazi bütövlüyümüz uğrunda şəhid olmuş əsgər və zabitlərimizin xatirəsinə hazırlanmış “Memorial kompleks“in və kütləvi qəhrəmanlıq səhnələrini özündə əks etdirən rəsm əsərinin açılışı olmuşdur.
