Məktəbdə "Ədəbiyyat həftəsi" keçirildi
7-11 noyabr 2016-cı il tarixlərində 151 nömrəli tam orta məktəbdə Azərbaycan dili və Ədəbiyyat fənni üzrə “Fənn həftəsi” keçirildi. Həftədə müxtəlif tədbirlər, dəyirmi masalar və müsabiqələr təşkil edildi. 8 noyabr 2016-cı il tarixdə “Ana müqəddəs varlıqdır” mövzusunda 6a sinif şagirdlərinin iştirakı ilə tədbir keçirildi. 10 noyabr 2016-cı il tarixdə "Azərbaycanın aşıq və şair qadınları” mövzusunda dəyirmi masa keçirildi. Tədbirdə 5a və 10a sinif şagirdləri iştirak etdilər. Tədbiri Azərbaycan dili və Ədəbiyyat müəllimi Solmaz Süleymanova açdı. O, çıxışında bildirdi ki, tariximizin qəhrəmanlıq səhifələrində Azərbaycan qadınlarının öz şöhrəti və şərəfli yeri var. Ancaq xalqımızın keçmişində qadınlarımızın ürək parçalayan taleləri də olub. Bu bizim sənət yaradan aşıq və şair qadınlarımıza da aiddir. Müəllim öz çıxışında ətraflı və maraqlı məlumat verildi. Şagirdlərin ifasında musiqi sədaları altında seirlər dinlənildi. 10-cu sinif şagirdləri isə aşıq və şair qadınlarımız haqqında məruzələr etdilər. 11 noyabr 2016-cı il tarixdə 8a sinif şagirdlərinin iştirakı ilə “Nizami Gəncəvi yaradıçılığında hökmdarlara münasibət” mövzusunda diskusiya kecirildi.
