“Qaraca qız” əsəri müzakirə edilmişdir
Ailə məktəb münasibətlərinin səmərəli təşkili böyüməkdə olan gənc nəslin bilik və bacarıqlarını inkişaf etdirməsinə sistemli töhfə verir.
Ailələr və məktəb arasında səmərəli əməkdaşlığı təşviq etmək məqsədilə məktəbdə “Ailəm və məktəbim” adlı layihə ilə bağlı bir sıra tədbirlər həyata keçirilir.
Valideyn və şagirdlərin birgə fəaliyyətlərə cəlb olunması məqsədi ilə məktəb kitabxanasında ədəbiyyat müəllimi Səidə İsmayılovanın rəhbərliyi ilə S.S.Axundovun “Qorxulu nağıllar” başlığı altında yazdığı hekayələrdən biri olan “Qaraca qız” əsəri təhlil olunmuşdur.
Əsərin müzakirəsində VI”B” sinif şagirdləri ilə yanaşı valideynlər də iştirak etmişlər.
Əsərdəki mənfi və müsbət obrazlar geniş müzakirə olunmuş və hər bir şagirdin əsər haqqında fərdi fikirləri dinlənilərək müzakirə edilmişdir.Müzakirə şagirdlərin və valideynlərin böyük marağına səbəb olmuşdur.
