9 Noyabr - Azərbaycan Respublikasının Dövlət Bayrağı Günüdür!
Bakı Şəhəri üzrə Təhsil İdarəsinin Məktəbdənkənar fəaliyyətin təşkili sektorunun Fəaliyyət planına uyğun olaraq 151 nömrəli tam orta məktəbdə 2016-cı ilin noyabr ayı üçün tərtib edilmiş tədbirlər planına əsasən 9 Noyabr - Azərbaycan Respublikasının Dövlət Bayrağı Gününə həsr edilmiş bir sıra tədbirlər həyata keçirilmişdir. Belə ki, 9 Noyabr - Azərbaycan Respublikasının Dövlət Bayrağı Gününə həsr olunmuş sinif təşkilat saatları keçirilmiş, məktəblilər arasında “Mənim bayrağım ən gözəl bayraqdır” mövzusunda rəsm müsabiqəsi və sərgi təşkil edilmişdir. VIII-XI siniflər arasında “Bir kərə yüksələn bayraq bir daha enməz” mövzusunda inşa yazı, I-VII siniflər üzrə isə bədii qiraət müsabiqəsi keçirilmişdir. 08.11.2016-cı il tarixdə “Bayrağımız qürur mənbəyimizdir” adlı tədbir keçirilmişdir. Tədbirdə əsasən 1a, 2a, 3a sinifləri fəal iştirak etmişlər. Həmçinin məktəbimizin bir qrup şagirdləri Nəsimi rayon İcra Hakimiyyəti tərəfindən 9 Noyabr - Azərbaycan Respublikasının Dövlət Bayrağı Gününə həsr olunmuş “Bayrağımız qürur mənbəyimizdir” adlı yürüşdə iştirak etmişlər. Yürüşdə iştirak edən şagirdlərin çıxışları ilə əlaqədar çəkilmiş filmin təqdimatı Nizami kinoteatrında nümayiş etdirilmişdir. Təqdimatda Nəsimi rayon İcra Hakimiyyətinin başçısı və digər qonaqlar iştirak etmişlər.
