Aprel döyüşlərinə həsr olunmuş tədbir keçirilmişdir
Məktəbdə 1 Aprel döyüşlərində şəhid olmuş əsgər və zabitlərimizin əziz xatirəsinə həsr edilmiş tədbir keçirilmişdir.
Tədbirin keçirilməsində məqsəd Aprel döyüşlərində şəhid olmuş oğullarımızın əziz xatirəsini yad etmək, qəhrəmanlıq göstərmiş igid əsgər və zabitlərimizin şücaətindən bəhs etmək, belə övladlarımızın gənc nəsillərə əsl örnək olduqlarını aşılamaq olmuşdur.
Əvvəlcə Vətən uğrunda qəhrəmancasına həlak olmuş hərbçilərimizin və mülki şəxslərin əziz xatirəsi bir dəqiqəlik sükutla yad edilmişdir.
Tədbir məktəbin tarix müəllimi Arzu Quliyevanın təşkilatçılığı ilə keçirilmişdir. Tədbirin təşkilatçısı Arzu Quliyeva çıxış edərək qeyd etmişdir ki, Aprel döyüşləri bizim şanlı hərbi qələbəmizdir, dövlətimizin, xalqımızın, ordumuzun gücünü göstərən qələbədir. Bu döyüş nəticəsində Füzuli, Cəbrayıl və Ağdərə rayonlarının işğaldan azad edilmiş ərazilərində bu gün Azərbaycan bayrağı dalğalanmaqdadır.
Tədbirdə iştirak edən V"B", VI “C” və VII “Ç” sinif şagirdləri şəhidlərin xatirəsinə həsr olunmuş şeirlər söyləmiş və mahnılar ifa etmişlər.
Aprel döyüşləri göstərdi ki, Azərbaycan xalqı və dövləti heç vaxt işğalla barışmayaraq ərazi bütövlüyünü nəyin bahasına olursa- olsun bərpa etdi. 30 illik narahatçılığa son qoyuldu. Torpaqlarımız azad edildi.
Qürur dolu bu tarixi bizə yaşadan Ali Baş Komandanımıza və Müzəffər Ordumuza minnətdarıq.
