Memorial Soyqırım muzeyinə ekskursiya
Nəsimi rayonu Icra Hakimiyyəti və rayon Gənclər və İdman İdarəsinin təşkilatçılığı ilə 151 nömrəli tam orta məktəbin şagirdləri Azərbaycan Respublikası Hərbi Prokurorluğunun inzibati binasında fəaliyyət göstərən Memorial Soyqırım muzeyinə ekskursiya etmişlər. Onlar tarix,deportasiya-repressiya, soyqırım və terror bölmələrinə ekskursiya edərək müxtəlif məlumatlar əldə etmişlər. Muzeyin girişində yerləşdirilmiş rəsm əsərləri soyqırım qurbanlarının matəm sükutunu özündə əks etdirir. Ekskursiya zamanı bələdçi bildirilmişdir ki, bu muzey Azərbaycan xalqının gələcək nəsillərinin yaddaşının qorunmasına və soyqırım qurbanlarının xatirəsinin əbədiləşdirilməsinə xidmət edən ağır bir tarixi hadisəni özündə əks etdirən nümunədir. Sonda şagirdlərə videoçarx nümayiş etdirilmişdir.
