"Oyuncağını bağışla"adlı aksiya
“Məktəblinin dostu” və "İcma əsaslı məktəbəqədər təhsil" layihələrinin təşkilatçılığı ilə “Oyuncağını bağışla” adlı sosial aksiyayaya 151 nömrəli tam orta məktəbin şagirdləri də qoşulub. Məktəblilərin könüllü şəkildə təqdim etdikləri oyuncaqlar ölkənin müxtəlif regionlarında yaşayan və təhsil alan uşaqlara göndəriləcək.
Aksiyanın təşkil olunmasında əsas məqsəd məktəblilər arasında sosial məsuliyyətin və paylaşma hissinin formalaşdırılmasıdır.
Şagirdlərin böyük həvəslə paylaşdıqları oyuncaqlar bir-birlərini tanımayan uşaqlar arasında qarşılıqlı sevgi yaradacaq.
