İlk dərs günü
Bakı Şəhəri üzrə Təhsil İdarəsinin tabeliyindəki ümumi təhsil müəssisələrində olduğu kimi məktəbimizdə də 22 sentyabr tarixdə I-IV siniflər üzrə yeni dərs ilinə başlanıb. İlk dərslər “Qarabağ Azərbaycandır!” mövzusuna həsr olunub.
Dövlət himninin səslənməsindən sonra Vətən uğrunda şəhid olan qəhrəmanlarımızın xatirəsi bir dəqiqəlik sükutla yad edilib. Yeni dərs ilinin başlanması münasibətilə məktəbin direktoru çıxış edib. Kifayət müəllim “Zəfər tarixi”nin bəxş etdiyi qürur hissi ilə qədəm qoyduğumuz yeni tədris ilinin başlanması münasibətilə məktəbliləri və müəllimləri təbrik edib, onlara uğurlar arzulayıb. O, çıxışında qeyd etmişdir ki, hər bir Azərbaycan vətəndaşı öz milli qəhrəmanlarını tanımalı, onların keçdiyi həyat yolundan çox şeyləri öyrənməlidir. Şəhidlik zirvəsinə ucalanların xatirəsini yaşatmaq, onları gəncliyə nümunə göstərməksə hər kəsin vətəndaşlıq borcudur.
Şanlı ordumuzun göstərdiyi qəhrəmanlıqlardan danışıb. Bu yolda canından keçən şəhidlərimiz hörmətlə yad edilib.
Ilk dərslər “Qarabağ Azərbaycandır!” mövzusuna həsr olunub, şagirdlər Vətənə, qələbəmizə, şəhidlərə həsr olunmuş şeirlər söyləyiblər.
