Heydər Əliyev sarayında “Dostluq Dünyamız” adlı möhtəşəm tədbir keçirildi
1 iyun 2016-cı il tarixdə Bakı Şəhəri üzrə Təhsil İdarəsinin təşkilatçılığı və rəhbərliyi ilə Heydər Əliyev sarayında “1 iyun - Uşaqların Beynəlxalq Müdafiəsi Günü”nə və “Multikulturalizm ili”nə həsr olunmuş “Dostluq Dünyamız” adlı möhtəşəm tədbir keçirildi. Tədbirə digər qonaqlarla yanaşı şəhərin ümumtəhsil məktəblərinin təhsildə və məktəbin ictimai işlərində fərqlənən şagirdləri də dəvətli idilər. Tədbir Bakı Şəhəri üzrə Təhsil İdarəsinin müdiri Məhəbbət xanım Vəliyevanın uşaqlara ünvanladığı təbrik nitqi ilə yekunlaşdı. İki saata qədər davam edən tədbir öz məzmun və rəngarəngliyi ilə uzun müddət şagirdlərin yaddaşlarında qalacaq. 
