Son zəng tədbiri keçirilib
14 iyun 2021-ci il tarixdə respublikanın bir çox ümumtəhsil məktəblərində olduğu kimi, 151 nömrəli tam orta məktəbdə də "Son zəng" tədbiri keçirilib. Məktəbin direktoru Kifayət Tanrıverdiyeva tədbiri açıq elan edərək öz çıxışında şagird və müəllim kollektivinin təhsildə qazandığı uğurlardan söz açıb, ölkəmizdə təhsilin inkişafı istiqamətində görülən işlər və bu sahədə həyata keçirilən layihələr barədə danışıb. Müstəqil həyata qədəm qoyan məzunlara ölkəmiz və xalqımız üçün layiqli övlad olmalarını arzulayıb.
Qeyd olundu ki, bu il məktəbi 38 məzun bitirir. Vurğulandı ki, ötən dərs ilində məktəb məzunları ali məktəblərə qəbulda yüksək nəticələr göstərib.
Şagirdlərin hazırladığı ədəbi-bədii kompozisiya nümayiş olunub. Tədbir iştirakçıları müzəffər ordumuzun qələbəsinə həsr olunmuş şeir və mahnılarla çıxışlar edib. Sonda isə son zəng səsləndirilib.
