Xalq rəssamı Ağəli İbrahimov məktəblilərin qonağı oldu
3 may 2016-cı il tarixdə 151 nömrəli tam orta məktəbdə Ulu öndər, ümummilli lider Heydər Əliyevin anadan olmasının 93-cü ildönümünə həsr edilmiş şagirdlərin əl işlərindən ibarət rəsm sərgisi təşkil edildi. Sərgidə xalq rəssamı, professor, əməkdar incəsənət xadimi, Azərbaycan Rəssamlar İttifaqının katibi Ağaəli İbrahimov, Nəsimi rayonu İcra Hakimiyətinin baş məsləhətçisi Nuru Əhmədov, Nəsimi rayonu Gənclər və İdman İdarəsinin baş məsləhətçisi Pərvin Rəsulov, Azərbaycan Dövlət Pedaqoji Universitetitinin müəllimi Səyyar Əliyev, rəssam Sevda Məlikova, KİV nümayəndələri və məktəbimizin müəllim və şagird kollektivləri, valideynlər iştirak edirdi. Sərgini giriş sözü ilə açan məktəbin direktoru Kifayət Tanrıverdiyeva istedadlı şagirdlərin aşkar edilməsi üçün belə tədbirlərin vacibliyini vurğuladı. Ulu öndər Heydər Əliyevin daim gənc istedadlara diqqət və qayğı ilə yanaşdığı diqqətə çatdırıldı. Tədbirdə çıxış edən xalq rəssamı Ağaəli İbrahimov şagirdlərin incəsənətə olan marağını yüksək qiymətləndirdi. Daha sonra sərgidə nümayiş etdirilən rəsm əsərlərinə baxış keçirildi, iştirakçılara diplomlar və fəxri fərmanlar təqdim edildi. Tədbirin sonunda xatirə şəkli çəkildi. Qeyd etmək lazımdır ki, tədbir Mədəniyyət televiziyası ilə geniş işıqlandırıldı.
