Gənclər arasında hərbi vətənpərvərlik ideyalarının təbliği
Məktəbdə Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının dəstəyi ilə “Ehtiyatda Olan Zabitlərin Konfederasiyası” İctimai Birliyinin həyata keçirdiyi “Gənclər arasında hərbi vətənpərvərlik ideyalarının təbliği” layihəsi çərçivəsində yeniyetmə və gənclərlə görüş keçirilib.
Tədbir Azərbaycan Respublikasının Dövlət Himninin səsləndirilməsi və torpaqlarımızın azadlığı uğrunda canlarını fəda etmiş qəhrəman Vətən övladlarının əziz xatirəsinin ehtiramla yad edilməsi ilə başlanıb.
“Ehtiyatda Olan Zabitlərin Konfederasiyası” İctimai Birliyinin sədr müavini ehiyatda olan polkovnik Həsən Əmirov çıxış edərək gənclərin hərbi vətənpərvərlik ruhunda tərbiyəsinin mühüm əhəmiyyətini və onların bu sahədə daha da formalaşması üçün orta məktəblərdə bu cür görüşlərin artmasının labüd olduğunu vurğulayıb.
Tədbirdə həmçinin Azərbaycanın Milli Qəhrəmanı Polkovnik Vahid Quliyev də iştirak edib. O, döyüşlərdə iştirak edən Azərbaycan oğullarının göstərdikləri qəhrəmanlıqlardan danışıb.
Tədbirin sonunda məktəblilərə videoçarx nümayiş etdirilib və kitabçalar paylanılıb.
