13 №-li tam orta məktəb

2 "B" sinifinin rəhbəri Sədaqət Hüseyovanın təşkilatçılığı ilə "1 İyun Uşaqların Beynəlxalq Müdafiəsi Günü"nə həsr olunmuş tədbir keçirildi.

Tədbirdə məktəbin direktoru, Əməkdar müəllim Yaqut xanım Sadıqova çıxış edərək şagirdləri təbrik etdi. Bu günün mahiyyəti, uşaqlara göstərilən diqqət və qayğıdan danışdı.

Tədbir şagirdlərin hazırladıqları maraqlı kompozisiyalarla davam etdi.

27 may 2025-ci il tarixində məktəbdə Kiçik Akademiyanın rəhbəri Gülsüm Sadıxova və UBTR-i Çinarə Ağayevanın təşkilatçılığı ilə "Kiçik Akademiya təqdimatları" adlı rayon konfransı keçirildi.

Konfrans Azərbaycan Respublikasının Dövlət Himninin səsləndirilməsi ilə açıq elan olundu. Tədbirdə məktəbin direktoru, Əməkdar müəllim Yaqut xanım Sadıqova çıxış edərək konfrans iştirakçılarına uğurlar arzuladı. Daha sonra məktəb nümayəndələri bir-birindən maraqlı və rəngarəng təqdimatlarla çıxış etdilər.

Konfransın bədii hissəsində isə musiqi müəllimi Gülər Babayevanın rəhbərliyi ilə məktəbin xor kollektivi və rəqs ansamblı öz çıxışlarını təqdim etdilər.

Məktəbdə "28 May – Müstəqillik Günü"nə həsr olunmuş tədbir keçirildi.

Tədbirdə məktəbin direktoru, Əməkdar müəllim Yaqut xanım Sadıqova çıxış edərək, 28 May – Müstəqillik Gününün xalqımızın qürur mənbəyi olduğunu, tariximizin şanlı və parlaq səhifələrindən birini təşkil etdiyini tədbir iştirakçılarının diqqətinə çatdırdı.

Tədbir UBTR Çinarə Ağayevanın və 4 C sinfinin sinif rəhbəri Gülşən Səfərovanın təşkilatcılığı ilə şagirdlərin ifasında hazırlanan rəqslər, musiqili çıxışlar və şeirlərlə davam etdi.

Bakı Şəhəri üzrə Təhsil İdarəsinin tabeliyində fəaliyyət göstərən təhsil müəssisələrində 28 May-Müstəqillik Günü ilə bağlı tədbirlər keçirilib.

Dövlət himninin səsləndirilməsi ilə başlayan tədbirlərdə şərqdə ilk demokratik respublika olan Azərbaycan Xalq Cümhuriyyətinin yaranma tarixi, keçdiyi inkişaf yolu, cümhuriyyətin mövcud olduğu qısa müddətdə xalqımızın mədəni inkişafına, elm, təhsil sahəsinin tərəqqisinə verdiyi töhfələr barədə şagirdlərə geniş məlumat verilib. 

 Həmçinin ölkəmizin müstəqilliyi bərpa olunduqdan sonra qazanılmış uğurlardan, dövlət quruculuğu sahəsində ümummilli lider Heydər Əliyevin əvəzsiz xidmətlərindən bəhs edilib. Ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirildiyi nəzərə çatdırılıb.

Şagirdlər müstəqilliyə, vətənpərvərliyə həsr olunmuş şeirlər söyləyib, mahnılar oxuyub, ədəbi-bədii kompozisiyalar nümayiş etdiriblər.

Məktəbin IV D sinif şagirdi Rzayev Ramil 2025-ci ildə keçirilmiş nüfuzlu FİSO (Fundamental və İnnovativ Sahələr üzrə Olimpiada) yarışmasında riyaziyyat fənni üzrə uğurla iştirak edərək "Gümüş" medal və "Diplom" qazanmışdır. Rəhbərlik və kollektiv adından Ramili təbrik edir, ona uğurlar arzulayırıq.