13 №-li tam orta məktəb

Məktəbin GÇH müəllimi Elşad  Miranov 10 D sinifində “Atış hazırlığı” mövzusunda Kalaşnikov avtomatının ümumi quruşu və iş prinsipi barədə şagirdlərə  ətraflı məlumat verdi. 

Məktəbin məzunu  Bayramlı Nəzrin  2023-2024-cü tədris ilini uğurla və yüksək nailiyyətlərlə başa vurmuşdur.Nəzrin  bu nailiyyətlər əsasında Elm və Təhsil naziri cənab Emin Əmrullayevin müvafiq əmri ilə Gümüş nişan və xüsusi nümunəli tam orta təhsil haqqında attestata layiq görülmüşdür.
 Rəhbərlik və kollektiv adından Nəzrini təbrik edir , ona gələcək həyatında uğurlar arzulayırıq.Qeyd edək ki, bu nişan bir şagird üçün ən ali mükafat hesab olunur.

2024-cü ilin “Yaşıl dünya naminə həmrəylik ili” elan edilməsi və oktyabr ayı  ərzində "Məktəbdə ekologiya  ayı "  və COP-29 layihəsi çərçivəsində məktəb kitabxanasında kitabxana müdiri Məhəbbət Mirzəyeva, UBTR-i Çinarə Ağayeva, ingilis dili müəllimi Kəmalə Adıyevanın rəhbərliyi və 5"B" sinif şagirdlərinin iştirakı ilə “Green world” adlı dəyirmi masa təşkil olundu. Tədbirdə UBTR-i Çinarə Ağayeva şagirdlərlə: “Dünyamızın və ətraf mühitin qorunması, iqlim dəyişmələrinin qarşısının alınması üçün əl-ələ verək!” deyərək söhbətlər apardı. Daha sonra şagirdlər hazırladıqları təqdimatları ingilis dilində məruzə etdilər.

Məktəbin məktəbdənkənar və sinifdənxaric tərbiyə işləri üzrə təşkilatçısı Edelya İsmayılova  8-ci sinif şagirdləri ilə Reproduktiv sağlamlıq mövzusunda maarifləndirici işin  birinci məşğələsini -  "Mən və mənim əhatəm" mövzusunda keçirdi. Şagirdlərə yeniyetməlik yaşlarında dostluğun əhəmiyyəti və xüsusiyyətləri barədə fikirləri əks etdirən elmi-populyar məqalə oxundu, mövzu ətrafında müzakirələr aparıldı. Sonda şagirdlər "Mən kiməm?"   sualıni cavablandıraraq müsbət və mənfi keyfiyyətlərini  hansı xarakter xüsusiyyətlərinin olduğunu bir - biriləri haqqında nə düşündüklərini öyrəndilər.

“Gənc kimyaçılar”dərnəyinin növbəti məşğələsi.
Movzu: “ Maddələr. Maddələrin təsnifati. Maddələrin xassələri.”
Dərnək rəhbəri:Sadıxova Gülsüm