Şagirdlərlə aparılacaq monitorinq haqqında görüş keçirilmişdir
Məktəbimizdə Azərbaycan Respublikasının Elm və Təhsil Nazirliyi tərəfindən ümumi təhsil müəssisələrinin IV və VI sinflərində təhsil alan şagirdlərlə aparılacaq monitorinq haqqında görüş keçirilmişdir. Görüşdə məktəbin direktoru Nazilə Məmmədova, təlim-tərbiyə işləri üzrə direktor müavini, məktəb psixoloqu və müvafiq fənlər üzrə fənn müəllimləri iştirak etmişdirlər. Görüş zamanı monitorinq üzrə təqdim olunmuş çərçivə sənədinə əsasən şagirdlər məlumatlandırılmışlar. Şagirdlər hər bir fənn üzrə təqdim olunacaq sual sayı, sualların səviyyəsi, imtahan müddəti və digər texniki məsələlərlə bağlı məlumat əldə etmişdirlər. Həmçinin məktəb psixoloqu tərəfindən imtahan həyəcanını idarə etmək, imtahana hazırlıq prosesi və imtahanda davranış normaları ilə bağlı şagirdlərlə maarifləndirici söhbət aparılmışdır.
