Azərbaycan - dili fənnindən bilik yarışı
Məktəbimizdə 23 Aprel Ümumdünya kitab və Müəllif hüquqları gününə həsr olunmuş tədbirlər çərçivəsində VII siniflər arasında Azərbaycan dili fənnindən bilik yarışı keçirilmişdir. Yarış məktəbin Azərbaycan dili və ədəbiyyat müəllimi Səbinə Məhərrəmova tərəfindən təşkil olunmuşdur. Beş nəfərlik komandalar halında yarışan siniflər iki tur ərzində 15 sualı cavablandırdılar. Final turunda rəqiblərini qabaqlayan 7c, 7s və 7m sinifləri müvafiq ardıcıllıqla 1, 2 və 3-cü yerlərə layiq görüldülər. Sonda qaliblər diplom və hədiyyələrlə təltif olundular.
